Tonufnahme im Tonstudio «Mazzive Sound Productions GmbH» in Bellmund

Am Samschtig 17. Oktober hei mir üs am nüni bim Serge Christen im Tonstudio z Bellmund iigfunge, mit em Ziu: ds Lied Sonneliecht vom Josef Dubach u der Gummhorn-Jutz vom Markus Rychener ufznäh. Mir si vo Ihm u sire Frou Sara ganz härzlich empfange worde, so dass mir üs vor erschte Minute a bi ihne wohl gfüelt hei. Der Serge het üs mit sire hervorragende Kompetänz u sire motivierende Art suverän dür di Ufnahme gfüehrt. Nach der Mittagspouse wo mir im Stadthuus Nidau verbracht hei, si mir gsterkt u motiviert i di zwöiti Heufti vo däm Ufnahmetag gstartet. Am haubi vieri hei mir üses Ziu erreicht. Zfriede hei mir üs ufe Heiwäg gmacht im Wüsse: das Lied u dä Jutz si im Chaschte!

Ganz e härzliche Dank am Serge für sini super Büez.

Suechsch es Tonstudio für dini Ufnahme?

Mir vom Jodlerklub Obergoldbach empfähle dir «Mazzive Sound Productions GmbH» in Bellmund. Der Inhaber u Tonmeischter Serge Christen hei mir aus sehr kompetänt, härzlich, offe u motivierend erläbt. Är isch eine wo vo de verschiedene Klangfarbe vo de Chör fasziniert isch.

Serge seit vo sich: we ig im Ämmitau würd wohne, de wär ig imene Jodlerklub.

Bettags-Gottesdienst

Impressionen vom Sonntag 20.09.26 in der Kirche Landiswil.

Passend zum Vortrag!
"Sonneliecht"  von Josef und Kläri Dubach